بعده شير بهرامك مملكتنه واريلوب افتاب سرطانده ايكن شدت برودتدن اول يرلرده صولر ايكى پارمق مقدارى بوز طوتار ايدى . جماذى الاخره‌نك سكزنده محمد بيكك اوغلملرى اويس خانك ايلچيسنى و راچى « 3 » يى غارت ايتدكلرى خبرى وارد اولمغله راچيلر و ايلچيلر متوهم اولوب يولده كوهستانلر وار و اكثر اوقاتده باران و شبنم ياغار ايكن كندولرينى سرحد ختايه ايصاله سعى ايتملريله جماذى الآخره اواخرنده طرقان نام شهره واريلدى كه اكثر اهاليسى پت پرست ايديلر . و غايت تكلفلى بر بتخانه‌لرى وارايدى كه كهنه و جديد نيجه پتدن ماعدا بر صفه سنه شامكونى « 4 » نك صورتى اولمق اوزره بر صنم ياپمشلر ايدى . شدت حرارت اثناسنده رجبك ايكنجى كونى شهر مزبوردن كوچيلوب بشنحى كوننده قرا خواجه نام محله واريلدى . ماه مزبورك او ننجى كونى ختاييلردن بر كروه ايلچيلرك اسملرينى و اتباعلرينى تحرير و دفتر ايتمكيچون كلديلر . ماه مزبورك اون طقو - زنجى كونى صوفى آتا نام محله واريلدى كه سادات ترمددن خان‌زاده تاج الدين نام بر سيد اول محلده بر خانقاه بنا و كندوسى مقام و مأوى ايليوب دامادى امير فخر الدين قامل شهرنده اولان مسلمانلرك حاكمى ايدى . ماه مزبورك يكرمى برنجى كونى قامل شهرينه

--> اولنه رق والده‌سى كوهرشاد مدرسه سنده برادرى بايسنغر ميرزا ياننه دفن اولنمشدر . ( 3 ) سرحد محافظى : ( 4 ) اعتقادلرنجه درت بيك بشيوز سنه قدر اول كلن پيغمبرلرينك اسمى :